Prosjekt: Snarvegar

Utviklingslaget har tatt initiativ til å legge til rette for fleire snarvegar på Sandane, i første omgang i Åsen.

Kvifor dette prosjektet

Snarvegar er eit folkehelsetiltak! Med kortare veg til skule, jobb og fritidsaktivitetar blir det enklare og tryggare å røre seg i kvardagen.

Gamle snarvegar som har gått ut av bruk kan utbetrast og gjerast meir kjende. Andre stader er det behov for å etablere heilt nye snarvegar, også for å hindre ferdsel gjennom private hagar og tun.

Korleis blir prosjektet utført?

Arbeidsgruppa planlegger og søkjer om støtte til å utbetre og etablere nye snarvegar.
I første omgang har arbeidsgruppa oppretta kontakt med kommunen, og vil etablere samarbeid med grunneigarar og velforeiningar eller nabolag for planlegging og utføring.

Tiltak som kan vere aktuelle er grøfting, rydding, trapper, kvilebenkar og belysning.

Medlemmar i arbeidsgruppa

• Paul Rune Daviknes
• Vegard Lilleheil